Á fala TECA, de novo!
Hoxe preséntovos, por se aínda non o coñecedes, unha opción de lectura moi chula que temos na Biblio:
O XORNAL PARA XENTE MIÚDA: O PAPAGAIO.
Aquí está en formato papel, pero non sei se sabedes, que tamén podedes ver dende a vosa casa o formato en dixital dos meses pasados.
Aquí vos deixo algunha edición xa pasada (pincha na imaxe):
Deixa aquí abaixo nos comentarios a túa opinión sobre este orixinal xornal ;)
Ata a próxima amiguiñ@s!
Esta semana tivemos unha visita moi esperada:
A do escritor Héctor Cajaraville autor do libro KUSUMA que resultou ser Premio Merlín de Literatura Infantil no ano 2018.
Foi unha visita fantástica na que o alumnado de 6º de Primaria puido escoitar de man do propio autor os detalles da historia de KUSUMA, debatir con el os puntos fortes e febles, personaxes favoritas, tramas, etc. E ata nos firmou varios exemplares con dedicatoria!
Na parte final do encontro o alumnado preguntou pola posibilidade dunha segunda parte ao autor e... non queremos desvelar nada... pero parece que vai empezar a traballar nisto.
Grazas pola túa visita, Héctor, foi un pracer.
Á fala TECA, de novo!
Feliz ano 2022 e feliz inicio de trimestre.
Hoxe déixovos por aquí algunhas novidades da Biblio que deixaron os REIS MAGOS o APALPADOR e PAPÁ NOEL para vos. Algúns xa están en empréstito
e outros tardarán algúns días máis.
Desexo que vos gusten.💜
