Concurso de ilustración

 

O vindeiro 8 de marzo, celébrase o día da Muller e no cole estamos argallando varias actividades. Aquí vos deixamos un adianto, por se queredes ir preparaándovos... 

Animádevos a participar!!

Empréstito

Ola amigos e amigas:

Durante estes meses chegaron á nosa biblio unha chea de novidades. E como sabemos que estades desexando facervos con elas tivemos unha idea. A partir de agora poderedes solicitar o empréstito do libro que vos apeteza ler dende a vosa aula ou casa. Só tedes que seguir os pasos que vos explica Teca no seguinte vídeo.

Esperamos que disfrutedes moito dos nosos novos tesouros e non esquezades que na vosa clase tedes unha folla de suxerencias por se non atopades o que buscades.

Celebramos o día da Paz

Debido a que este ano o noso PDI céntrase nos hábitos saudables, comprendendo éstes unha alimentación sostible e saudable; pareceunos moi oportuno averiguar se o noso xeito de alimentarnos ten repercusións na vida doutras persoas.

Isto invitounos a reflexionar e a facernos preguntas:

• Cando escollo un alimento no super, ten repercusións noutras partes do mundo? 
• Afectan as miñas eleccións ao benestar doutras persoas?
• Teño uns hábitos alimenticios sostibles?
• Desperdicio moita comida? 
• Cales son os países que producen máis desperdicios e os que menos?

Cada curso escolleu un país, averiguou o que desperdicia un habitante dese país cada día. Despois pesouno e reflexou os datos nun gran mural no que participaron todas as clases de primaria e no que se pode comparar facilmente os datos de distintas partes do mundo.

          

Cada aula gravou un pequeno video coas reflexións deste traballo levado a cabo durante a última semana de xaneiro.

Para rematar o noso traballo cada neno e nena debuxou un alimento sostible e saudable  e os pegamos na nosa pomba coa intención de simbolizar que a nosa alimentación futura contribúa a manter un equilibrio medioambiental e  polo tanto unha mellor distribución dos alimentos. Así de chula nos quedou...

E o venres chegou a nosa celebración, como desta vez non podíamos xuntarnos para celebrar, decidimos repartirnos polo NOSO CAMIÑO💚, porque como ben sabedes, se hai algo que nos mantén unidos no cole este curso é o proxecto Sementa Camiño. Así que fixemos unha cadea branca pola paz, para simbolizar a nosa unión no camiño cara a paz. 

...e recorda  "Non desperdicies, favorécenos a todos".