Ola a todos e todas:

Tiñamos planeado facer unha gran estrea da biblioteca para o día do libro, pero parece que non vai ser posible, así que imos estrenala a través do noso blog. E ogallá pronto poidamos facer esa gran festa de inauguración. 
Nos vindeiros días iremos colgando actividades e propostas, para pasar un bo rato e manternos unidos a través das redes. 

Animádevos a participar! 

Investigación para o PDI

No mes de xaneiro, grazas a todo o aportado polas familias, nas clases puxémonos mans á obra. Unhas clases reflexionaron sobre a cantidade de residuos, sobretodo plásticos que xeneramos no Nadal. Outras sobre os materiais dos que estaban feitos os nosos xoguetes. Unhas valoramos se os xoguetes con pilas, que contaminan moitísimo, nos entreteñen máis que os outros ou soamente xogamos con eles os primeiros días. Cada clase o enfocou dun xeito diferente, pero todos reflexionamos moito sobre o tema...

Empezamos a colocar os traballos de investigación que fixeron nas clases.

Os de 4º desmontaron un coche para poder separar tódolos materiais dos que estaba feito e así analizar canto tardarían os distintos materiais en descompoñerse.

Os de infantil fixeron unha representación gráfica da cantidade de xoguetes que teñen nas súas casas de cada materia. Fixádevos que grande é a columna dos xoguetes de plástico... Gañan por goleada..

Biblio-patio

Os xoves, cando o tempo o permite, sacamos a nosa biblio-patio. Neste entorno privilexiado podemos sentarnos a ler tranquilamente ou optar por coller un dos libros de aves ou insectos e buscalos polo campo ou entre as polas das árbores. Esta biblio permite descubrir aos máis pequenos que os libros podennos servir para  investigar e aprender cousas do nosa contorna.